الشرطي الملولي ينصح المغاربة من أجل استرجاع هواتفهم المسروقة

قدم الشرطي المغربي الموقوف عن العمل “هشام الملولي” نصائح عملية لكل من تمت سرقة هاتفه أو ضاع منه لسبب أو لآخر … 

و قال “الملولي” في تدوينة على صفحته الفايسبوكية : ” أ ي واحد فينا تشفر ليه تيليفون اولى كيعرف شي واحد تسرق ليه ، ولكن قليل فينا لي كيعرف شي واحد ديكلارا اي دار شكاية عند الشرطة .”

و اضاف “الملولي” المعروف بـ”بروسلي المغرب” بالقول : ” هاد الشي هو الديفوا لي كنديروا . كل واحد فينا كيسمع بالشرطة العلمية ولكن عمرنا مكملنا الجملة وقلنا الشرطة العلمية والتقنية . اجي نفصلوا هاد التقنية مزيان ؟ التقنية أي مواكبة التقنيات الحديثة من اجهزة وحواسيب او غيرها ، الشرطة التقنية عندهم مصلحة مكلفة فقط بتتبع الهواتف وفك تشفيرها ومراقبة المكالمات . الشفار ملي كيسرق كيفورماطي التيليفون وكيخدم نمرة من نوامر ديال هاد البلاد ، ملي كتخدم اي نمرة فالتيليفون راه اتوماتيكياً كتعرف عند الشرطة التقنية او ANRT .”

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = “//connect.facebook.net/fr_FR/sdk.js#xfbml=1&version=v2.10”; fjs.parentNode.insertBefore(js, fjs);}(document, ‘script’, ‘facebook-jssdk’));

#طريقة_استرجاع_الهاتف_قانونيا المرجو من كلشي يبارطجي :أي واحد فينا تشفر ليه تيليفون اولى كيعرف شي واحد تسرق ليه ، ولكن …

Publié par Hicham Mallouli ( Nervous-Boy ) sur jeudi 17 août 2017

“غادين تقولوا كيفاش عرفوا النمرة جرب تركب فالتليفون ديالك (#06#*)، غادي يطلع ليك واحد الرقم سميتوا الايمي ، هاد الرقم لي طلع ليك عندك نتا بوحدك فالعالم كامل او ميمكنش يتبدل .. لحد الساعة تفاهمنا ، مزيان . اذن كنطلب من اي واحد يحط هاد الرقم فالأجوندا ديالوا ، ولي معندوش كونطرا ديال لاكارط سيم يمشي يديرها . الأن تشفر ليك تيليفون ونتا عندك هاد جوج سوارت شنو غادي دير ؟” يضيف الشرطي.

و سرد مراحل التبليغ عن سرقة الهاتف قائلاً : ” اولا غادي تسول فين كاين لابيجي ديال البوليس واي مدينة فيها البوليس عندها مركز ديال لابيجي، غادي توجه عندهم وغادي تدير شكاية انك تشفرتي بالسلاح الابيض او اي عنف واجهك وغادي تقوليهم عندي الرقم التسلسلي ديال الهاتف غادين ياخدوه وغادين اي سايفطوه لشرطة العلمية والتقنية او من بعد ايام غادين يعيطوا ليك وغادين يجبدو ليك اخر الارقام والمحادثات وغادي يتسناو منك تقوليهم هذا تليفوني من بعد غادين يجيبوا الشفار ولا لي شراه من عندوا في حالة التماطل كاين وكيل الملك كاتدير عندو شكاية وكاتابع الملف ديالك بطريقة قانونية .”

وختم “الملولي” نصيحته بالقول : ” تصورو كون كولشي كايدير هادشي، شحال ديال الشفارة غادي يديرو بناقص من سرقة الهواتف على الأقل وغادي تكون ساهمتي في الحفاظ على الأمن.

Share on FacebookShare on Google+Tweet about this on TwitterShare on LinkedIn

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *